UEFA Konfrans Liqası: RFŞ - “Sabah” matçı başlayıb

UEFA Konfrans Liqasının ikinci təsnifat mərhələsinin ilk oyunları çərçivəsində keçirilən RFŞ (Latviya) - “Sabah” (Bakı) matçı başlayıb. Latviya klubunun start heyətində Pavel Şteynbor, İsmael Diomande, Emerson, Roberts Savaļniyeks, Sedrik Kuadio, Andrey İliç, Herdi Prenqa, Pyotr Mareş, Stefan Panits, Adam Marxiyev və Jiqa Lipuşçek yer alıblar. “Sabah”ın heyətində meydana Yusif İmanov, Amin Seydiyev, Con İrasabal, Sofian Çakla, Boyan Letiç, Elvin Camalov, Aleksey İsayev, Kristian da Silva, Davit Volkov, Anatoli Nuriyev və Namik Ələskərov çıxıblar. Latviyanın Yurmala şəhərindəki “Sloka” stadionunda keçirilən görüşü Çexiyadan olan hakimlər briqadası idarə edir. Qarşılaşmanın baş hakimi Yan Maxalekdir. Ona Adam Harak və Yan Vanya kömək edirlər. Dördüncü hakim funksiyasını Pavel Orel yerinə yetirir. Komandalar arasında cavab görüşü avqustun 3-də Bakıda keçiriləcək. Bakı təmsilçisi RFŞ-i turnirdən kənarlaşdırsa, növbəti mərhələdə Serbiyanın “Partizan” klubu ilə qarşılaşacaq. Üçüncü təsnifat mərhələsinin görüşləri avqustun 10-da və 17-də oynanılacaq.

Xəbər 91 dəfə oxundu.