Basketbol üzrə Azərbaycan millisi Serbiyada hazırlıqlarını davam etdirir

İyunun 1-dən etibarən 3x3 basketbol üzrə milli komanda Serbiyanın Novi Sad şəhərində təlim-məşq toplanışına start verib. Zədə səbəbindən bir müddət millimizdən ayrı qalmış kapitan Amil Həmzəyev də məşqlərə qoşulub. Yığma komanda hazırlıq prosesini iyunun 15-də yekunlaşdıracaq. Bu təlim-məşq toplanışında əsas məqsəd iyunun 17-18-də Kiprin Limassol şəhərində keçiriləcək Avropa Kubokunun seçmə mərhələ oyunlarına hazırlaşmaqdır. Qeyd edək ki, millimiz Avropa Kubokunun seçmə mərhələsində A qrupunda yerli Kipr, Lüksemburq və Malta yığmaları ilə mübarizə aparacaq.

Xəbər 188 dəfə oxundu.