Bakıda voleybol üzrə hazırlıq turnirinə 13 komanda qatılıb

Azərbaycan Voleybol Federasiyasının idman zalında 15 yaşadək qızlar arasında hazırlıq turnirinə start verilib. Yarışda Bakı və Sumqayıt şəhərlərində fəaliyyət göstərən 13 (“Aura”, “Azərreyl-2”, “İlkin”, İOGİM-1, “Sumqayıt”, “Abşeron-2”, “Murov”, SOİK, “Ryuqa”, “Xarı bülbül”, “Azərreyl-1”, “Dinamo”, İOGİM-2) komanda mübarizə aparır. Üç gün davam edəcək hazırlıq turniri Olimpiya sistemi ilə keçirilir. Qeyd edək ki, yarışın keçirilməsində məqsəd perspektivli gənc oyunçuların müəyyənləşdirilməsi və onların gələcəkdə milli komandaya cəlb olunmasıdır. Belə yarışların bölgələrdə də keçirilməsi nəzərdə tutulur.

Xəbər 117 dəfə oxundu.