Baş məşqçi: Heydər Əliyevin yubileyinə həsr olunan turnirdə iştirak etmək böyük şərəfdir

Azərbaycan xalqının Ümummilli Lideri və gürcü xalqının da yaxın dostu olan Heydər Əliyevin 100 illik yubileyinə həsr olunmuş “Dostluq” futbol turnirində iştirak etməkdən şərəf duyuruq. Bu sözləri müsahibəsində Qardabanidəki “Teola” futbol klubunun baş məşqçisi Tamaz Şamuqiya söyləyib. Onun sözlərinə görə, Azərbaycan və gürcü xalqları arasında çox qədim dostluq münasibətləri var. Biz dost Azərbaycan xalqının bütün bayram tədbirlərində və hüzn günlərində həmrəy olmuşuq. Bu gün də Heydər Əliyevin 100 illik yubileyi ilə əlaqədar futbol turniri elan olunub. Biz bu turnirdə böyük həvəslə və sevinclə iştirak edəcəyik. Heydər Əliyev Azərbaycan xalqının Ümummilli Lideri olmaqla yanaşı, gürcü xalqının da yaxın dostudur. Gürcüstanda da Heydər Əliyevi çox sevirlər və yaxşı xatırlayırlar. “Düşünürəm ki, bu cür turnirlərdə iştirak həm də gənc nəsillər arasında dostluq və qardaşlıq münasibətlərinin inkişafına da müsbət təsir göstərəcək”, – deyə T.Şamuqiya vurğulayıb.

Xəbər 123 dəfə oxundu.