İtaliyanın maliyyə polisi «Napoli»nin Kastelvolturnodakı bazasında reyd keçirib. Klubun ofislərindən bir sıra sənədləri, o cümlədən maliyyə hesabatlarını, futbolçuların müqavilələrini, agentlərlə razılaşmaları götürüb aparırlar. Yoxlama aparanları ən çox neapollu futbolçuların transferləri və onların agentlərlə əlaqələri maraqlandırır. İdman.com.az saytının məlumatına görə, klubda axtarış üçün orderi yerli prokurorluq verib. Analoji yoxlama paytaxt Romada İtaliya Futbol Federasiyasının mənzil-qərargahında da gedir.
İtaliya futbolunda son zamanlar danışılmış oyunlarla bağlı bir sıra qalmaqallar baş qaldırıb. Lakin çoxsaylı cərimələrə, cəzalara və həbslərə baxmayaraq, bu bəla ilə hələ tam bacara bilmirlər.
Xəbər 1082 dəfə oxundu.