Sabah 1/4 final mərhələsinə start veriləcək

Sabah 17 yaşadək qızlar arasında dünya çempionatında 1/4 final mərhələsinə start veriləcək. Azərbaycanda keçirilən mundialın bu mərhələsində 2 qarşılaşma keçiriləcək. Bakıda eyni stadionda baş tutacaq qarşılaşmalarda A və B qrupunun ən yaxşıları üz-üzə gələcək. Məğlubiyyət acısı dadmayan komandaların meydana çıxacağı günün ilk oyununda KXDR və Kanada görüşəcək. Bu il 20 yaşlı qızların da dünya çempionatında üz-üzə gələn rəqiblərin həmin duelində asiyalılar 2:1 hesabı ilə qalib gəlmişdi. Digər matçda isə Nigeriya və Fransa görüşəcək. 2010-cu ildə 20 yaşadək qızların, 2008-ci ildə qadınların mundialında üz-üzə gələn bu 2 ölkə təmsilçisinin matçlarında avropalılar üstün olub. Onlar əvvəl 1:0, sonra 3:2 hesabına seviniblər. Bu 2 komanda azərbaycandakı mundialda qapıya ən çox zərbə vuranlardır. Nigeriyalılar 3 matçda 92, fransalılar isə 76 dəfə buna nail olub. Müvafiq olaraq 32 və 30 künc zərbəsi vurmaqla da rekordçu bu komandalardır. 17 yaşadək qızlar arasında dünya çempionatı 1/4 final 4 oktyabr 17:00. KXDR – Kanada Baş hakim: Piri Moraq (Şotlandiya) Bakı. 8-ci km qəsəbə stadionu 20:00. Nigeriya – Fransa Baş hakim: Ri Hyanq Ok (KXDR) Bakı. 8-ci km qəsəbə stadionu

Xəbər 905 dəfə oxundu.