Premyer Liqanın V turuna start veriləcək | |
Bu gün keçiriləcək 1 oyunla Premyer Liqanın V turuna start veriləcək. Milli komandaların 2014-cü il dünya çempionatının seçmə qrup oyunları ilə əlaqədar çempionatda yaranan 20 günlük fasiləyə “Bakı” – “Turan” matçı ilə yekun vurulacaq. Paytaxtın eyniadlı təmsilçisi kimi “İnter”i də bu tur asan sınaq gözləyir. Belə ki, “bankirlər” “Sumqayıt”ı qonaq edəcək. Keçirdiyi bütün oyunlarda uduzan “Kəpəz” öz meydanında “Qəbələ” ilə üz-üzə gələcək. “Rəvan”la “Simurq” arasındakı matçda isə təxminən bərabər səviyyəli rəqiblər üz-üzə gələcək. Turun mərkəzi oyunu isə “Neftçi” və “Xəzər Lənkəran” arasında baş tutacaq. Bu qarşılaşma əslində, ayın 16-da baş tutmalı olsa da, “ağqaralar”ın Avropa Liqasının qrup mərhələsindəki çıxışı üzündən 1 gün tez keçiriləcək. Tura liderlərin görüşü ilə yekun vurulacaq. Turnir cədvəlinin ilk 2 pilləsində yer alan AZAL və “Qarabağ” münasibətlərini ayırd edəcək. Azərbaycan Premyer Liqası V tur 14 sentyabr (cümə) 20:00. “Bakı” – “Turan” “Bakı” FK-nın təlim-məşq bazasının stadionu 15 sentyabr (şənbə) 17:00. “Kəpəz” - “Qəbələ” Gəncə şəhər stadionu 17:00. “Neftçi” – “Xəzər Lənkəran” İsmət Qayıbov adına Bakıxanov qəsəbə stadionu 19:00. “İnter” – “Sumqayıt” “Şəfa” stadionu 19:00. “Rəvan” – “Simurq” Bayıl Arena stadionu 16 sentyabr (bazar) 18:30. AZAL – “Qarabağ” AZAL Arena stadionu |
|
Xəbər 917 dəfə oxundu. |
|
|