Sabah DÇ-2014-ün seçmə mərhələsində növbəti oyunlar keçiriləcək

Sabah DÇ-2014-ün seçmə mərhələsində növbəti oyunlar keçiriləcək. Azərbaycan milli komandası da növbəti matçına çıxacaq. F qrupunda mübarizə aparan Berti Foqtsun yetirmələri seçmə mərhələdə 2-ci oyununu səfərdə keçirəcək. Yığmamız Avro-2012-nin iştirakçısı Portuqaliya ilə görüşəcək. Yarışda ilk səfər oyununa çıxacaq komandamız Braqa şəhərinin qonağı olacaq. İlk matçında Lüksemburqu səfərdə çətinliklə məğlub edən (2:1) doğma azarkeşləri önündə daha inamlı təsir bağışlamağa çalışacaq. Yığmamız isə ilk məğlubiyyətini almamağa cəhd edəcək. Bakıda İsraillə heç-heçə edən (1:1) Foqtsun komandası bu dəfə də uduzmamaqla startda növbəti xalını qazanmaq əzmindədir. Dünyanın ən yaxşı futbolçularından biri Kriştianu Ronaldo və yoldaşlarına qarşı oyuna köklənən millimiz növbəti 2 səfər oyunu öncəsi rəqib meydanlarından çəkinmədiyini sübut etməlidir. 01:00. PORTUQALİYA – AZƏRBAYCAN Baş hakim: Şimon Marçinyak Baş hakimin köməkçiləri: Pavel Sokolniçki, Radoslav Siejka Dördüncü hakim: Robert Malek (hamısı Polşa) Hakim-inspektor: Uilyam Smit Geates Younq (Şotlandiya) Komissar: İsak Mikladal (Farer adaları) Braqa. “Braqa Municipial Stadium”

Xəbər 926 dəfə oxundu.