Azərbaycan yığmasının voleybolçusu "Omiçka"nın təlim-məşq toplanışında iştirak edə bilməyəcək

Azərbaycan yığmasının voleybolçusu Natalya Məmmədova “Omiçka”nın Serbiyada keçiriləcəyi təlim-məşq toplanışında iştirak edə bilməyəcək. Buna səbəb onun millimizdən dəvət almasıdır. Belə ki, hücumçu sentyabrın 7-9-da Finlandiya, 14-16-da Azərbaycandan olacaq Avro-2013-ün seçmə mərhələsində yığmamızın oyunlarına qatılacaq. Bunun üçün də Omsk təmsilçisindən ayrılaraq, komandamıza qoşulacaq. Məmmədova yeni klubunun düşərgəsinə sentyabrın 16-da II təsnifat mərhələsi bitdikdən dərhal sonra qayıdacaq. Qeyd edək ki, “Omiçka” avqustun 15-dən sentyabrın 1-nə kimi Belqradda hazırlıq keçəcək.

Xəbər 946 dəfə oxundu.