Tokio Olimpiadasının təşkilatçılarının Oyunların açılışı da daxil olmaqla, yarışlara və digər tədbirlərə cəlb olunacaq bütün könüllüləri peyvənd etmək şansı demək olar ki, yoxdur.Bu barədə Yaponiyanın “Nikkei” qəzeti təşkilat komitəsindəki mənbələrə istinadla məlumat yayıb. Nəşrin məlumatına görə, təşkilat komitəsi yalnız 40 min könüllünü peyvənd edə bilər. Bu problemin həll edilməsi üçün tədbirlərin görülməsinə baxmayaraq Oyunların açılışına qədər bunu etməyin mümkün olmayacağı bildirilib.
Əvvəlcə Olimpiya və Paralimpiya oyunlarında təxminən 80 min könüllünün iştirakı planlaşdırılsa da, onlardan 10 min nəfəri pandemiya ilə əlaqədar iştirakdan imtina edib.
Tokioda 2020-ci ilin yayında keçirilməli olan Yay Olimpiya və Paralimpiya oyunları koronavirus pandemiyası ilə əlaqədar cari ilə keçirilib. Belə ki, Tokioda Olimpiya Oyunlarının iyulun 23-dən avqustun 8-dək, Paralimpiya Oyunlarının isə avqustun 24-dən sentyabrın 5-dək keçirilməsi planlaşdırılıb.
Xəbər 421 dəfə oxundu.