“Qəbələ” daha 1 futbolçu ilə müqaviləni rəsmiləşdirib

“Qəbələ” daha 1 futbolçu ilə müqaviləni rəsmiləşdirib. İdman.com.az saytının məlumatına görə, son illər Bolqarıstanın “Çernomorets” klubunda top qovan braziliyalı yarımmüdafiəçi Lorival Rodriges Assis karyerasını Qəbələ təmsilçisində davam etdirəcək. 28 yaşlı legionerlə 3 illik müqavilə imzalanıb. Peşəkar karyerasına Braziliyada “İrati” klubunda start verən Assis sonra ölkəsində “Qremio Barueri”, “Sertaozinyo”, “Sao Seatano”, CRB, “Avai”, “Amerika”, “Botofoqo” kimi komandalarda top qovub. Yarımmüdafiəçi Bolqarıstana keçidinə qədər 2009-cu ildə İsveçin “Kalmar” klubunda legioner həyatı yaşayıb. Assis ötən mövsümü keçirdiyi Burqas təmsilçisində 25 oyunda 10 qol vurub.

Xəbər 964 dəfə oxundu.