Bu gün London Olimpiadasında Azərbaycan boksçuları ilk döyüşlərini yekunlaşdıracaqlar | |
Bu gün London Olimpiadasında Azərbaycan boksçuları ilk döyüşlərini yekunlaşdıracaqlar. İdman.com.az saytının məlumatına görə, Nəriman Abdullayevin daha 3 yetirməsi növbəti mərhələyə yüksəlmək üçün rinqə çıxacaq. +91 kq Yığmamızın üzvlərindən ilk olaraq mübarizəyə ən ağır çəkili idmançımız Məhəmmədrəsul Məcidov başlayacaq. Dünya çempionumuz konqolu Meji Muanbanı rinqə dəvət edəcək. 1/8 final mərhələsində baş tutacaq döyüş Bakı vaxtı ilə saat 19:15-də start götürəcək. 56 kq Məcidovdan sonra diqqətlər Məhəmməd Abdulhəmidovun döyüşünə yönələcək. Püşkün nəticəsinə əsasən ilk mərhələdən azad olan və yarışa 1/8 finaldan başlayacaq təmsilçimiz Satoşi Şimizu (Yaponiya) ilə üz-üzə gələcək. Görüşün qonqu 01:15-də vurulacaq. 91 kq Abdulhəmidovdan 15 dəqiqə sonra rinqə Teymur Məmmədov dəvət olunacaq. Mundialın gümüş mükafatçısı 1/8 final mərhələsində Tapu Opetaya Cayla (Avstraliya) münasibətinə aydınlıq gətirəcək. Qeyd edək ki, Olimpiadaya 7 kişi boksçu ilə yollanan yığmamızın heyətində hələlik Soltan Migitinov (75 kq) mərhələ adlayıb. Heybətulla Hacəliyev (64 kq), Elvin Məmişzadə (52 kq) və Vətən Hüseynli (81 kq) isə yarışla vidalaşıblar. |
|
Xəbər 1330 dəfə oxundu. |
|
|