Polşanın Katovitse şəhərində yeniyetmələr arasında güləş üzrə Avropa çempionatına start verilib. İdman.com.az saytının xəbərinə görə, ilk yarış günü 5 sərbəst güləşçimiz döşək üzərinə çıxıb ki, onların da hamısı medal qazanıb.50 kq-da çıxış edən Ruslan Surxayev finalda türkiyəli rəqibinə qalib gələrək Avropa çempionu olub. 42 kq-da Coşğun Məmmədov, 58-də Cahid Həsənzadə və 85-də Çermen Baqayev yalnız finalda uduzaraq gümüş medal qazanıb.
Hər 3 güləşçimiz həlledici görüşdə Rusiyadan olan rəqibinə məğlub olub. 69 kiloqramda yarışan Şamil Sadullayev isə bürünc medala yiyələnib. Bu gün 46, 54, 63, 76 və 100 kq çəki dərəcələrində qaliblər müəyyənləşəcək.
Xəbər 1279 dəfə oxundu.