“Xəzər Lənkəran” yenə qələbəyə həsrət qaldı | |
“Xəzər Lənkəran” avrokuboklarda tarixi şansını qaçırdı. İdman.com.az saytının məlumatına görə, “ağ-yaşıllar” qitə miqyaslı turnirdə 11-ci oyununda da qələbəyə həsrət qaldı. Hərçənd, Estoniyanın “Nomme Kalyu” ilə Lənkərandakı matçda hesabda erkən geri düşən cənub klubu fasiləyə kimi nəinki tarazlığı bərpa edə, hətta irəlidə yollana bildi. Ancaq 2-ci hissədə də qapısında top görən “Xəzər Lənkəran” bununla öz meydanında 2:2 hesablı bərabərliklə razılaşdı. Bu isə o deməkdir ki, estonlar iyulun 10-da evdəki cavab matçında növbəti mərhələyə 0:0, 1:1 hesablı bərabərliklə də keçə biləcəklər. Lənkəran klubu isə ya qalib gəlməli, ya da ən azı 3:3 hesablı bərabərliyə imza atmalıdır. Avroliqa, I təsnifat mərhələsi İlk oyunlar 5 iyul “Xəzər Lənkəran” (Azərbaycan) – “Nomme Kalyu” (Estoniya) - 2:2 Qol: Branimir Subaşiç, 6, Manuel Skarlatake, 31 - Hidetoşi Vakau, 5; Puri, 70 Baş hakim: Mitja Zganec Hakim köməkçiləri: Gregor Rojko, Robert Vukan Ehtiyat hakim: Dragoslav Peric (Hakimlər briqadası Sloveniyadandır) Hakim-inspektor: Jari Maisonlahti (Finlandiya) UEFA nümayəndəsi: Yevgeni Tratsyuk (Belarus) Lənkəran. Şəhər mərkəzi stadionu |
|
Xəbər 958 dəfə oxundu. |
|
|