Cənubi Amerikanın ən güclü klubu müəyyənləşib

Cənubi Amerikanın ən güclü klubu müəyyənləşib. İdman.com.az saytının məlumatına görə, Libertadores kubokunun finalının cavab oyununda sevinən Braziliyanın “Korintians” klubu olub. “Sambaçılar” Argentinanın “Boka Xuniors” komandasını 2:0 hesabı ilə məğlub etməklə kuboku başı üzərinə qaldırıb. İlk oyun isə 1:1 hesabı ilə nəticələndiyindən braziliyalılar qalib adını qazanıb. Tarixində ilk dəfə kuboku əldə edən “Korintians” mükafatın ardıcıl 3-cü dəfə ölkəsinə getməsinin səbəbkarı olub. 2010-cu ildə “İnternasional”, ötən il isə “Santos” buna nail olmuşdu. Lakin “Korintians”ın qələbəsi qalmaqalla nəticələnə bilərdi. Belə ki, hər 2 qolun müəllifi olan Emerson dişinin də gücünü göstərib. O, epizodların birində yerə yıxıldığı vaxt rəqib oyunçunun sol əlinin çeçələ barmağını dişləyib.

Xəbər 869 dəfə oxundu.