Vaşye-Laqrav və Karuana Lirenə çatdılar

Hazırkı dünya çempionu, norveçli Maqnus Karlsenin təşkilatçılığı ilə onlayn şahmat superturnirində ilk tura yekun vurulub. Azsport.az saytı xəbər verir ki, bu gün hər iki qarşılaşma əsas 4 partiyada yekunlaşıb və "armagedon"a ehtiyac olmayıb. ABŞ şahnatçısı Fabiano Karuana rusiyalı Yan Nepomnyaşiyə 2,5:1,5, fransalı Maksim Vaşye-Laqrav isə Niderland təmsilçisi Aniş Giriyə 3:1 hesabı ilə qalib gəlib. Nəticədə hər iki cütlüyün qalibi turdan 3 xalla ayrıldığı halda, məğlublar xalsız qalıblar. İlk turun yekununda Maksim Vaşye-Laqrav, Din Liren və Fabiano Karuana 3 xalla turnur cədvəlində liderlik edirlər. Maqnus Karlsen 2 xalla 4-cü, Hikaru Nakamura 1 xalla 5-ci yerdədir. Yan Nepomnyaşi, Əlirza Firuzca və Aniş Giri xalsız olaraq, autsayderlər qrupunu təşkil edirlər.

Xəbər 600 dəfə oxundu.