| Beynəlxalq Velosipedçilər İttifaqı beynəlxalq yarışları dayandırıb | |
|
Koronavirus epidemiyası səbəbindən Beynəlxalq Velosipedçilər İttifaqı (UCI) xüsusi risk qrupuna aid edilən ölkələrdə bütün növlər üzrə velosiped yarışlarının martın 15-dən etibarən ən azı aprelin 3-dək dayandırılması barədə qərar qəbul edib. Qurumun məlumatında virusun yayılmasının qarşısının alınması məqsədilə Dünya Səhiyyə Təşkilatının tövsiyələri əsas götürülüb və idman prinsiplərinin qorunmasına xüsusi diqqət yetirilib. Belə ki, bu müddət ərzində risk qrupuna aid edilməyən ölkələrdə təşkil edilən yarışlar zamanı qazanılacaq reytinq xalları nəzərə alınmayacaq. Bundan başqa Beynəlxalq Velosipedçilər İttifaqı “Tokio-2020” Yay Olimpiya və Paralimpiya oyunlarına lisenziya xalları verən növlər üzrə yarışların (dağ velosipedi, BMX racing, BMX freestyle və şose paravelosipedi) vaxtının dəyişdirilməsi və lisenziya sahibləri üçün son müddət tarixinin bir qədər geriyə çəkilməsi məqsədilə Beynəlxalq Olimpiya və Paralimpiya komitələrinə də müraciət ünvanlayıb. |
|
|
Xəbər 837 dəfə oxundu. |
|
|
|