Karateçilərimiz Slovakiya Qran-Prisində üç medal qazanıblar
Azərbaycan karateçiləri Slovakiyanın paytaxt Bratislavada keçirilən Qran-Pridə uğurla çıxış ediblər.

Turnirdə 16-17 yaşlı idmançıların yarışında Hüseyn Məmmədli (61 kq) və Fərid Ağayev (76 kq) bütün rəqiblərinə qalib gələrək qızıl medal qazanıblar. Abbas Dadaşov (68 kq) isə yarışı ikinci pillədə başa vurub.

Millimiz yarışda “Təhsil” Respublika İdman Mərkəzinin karate üzrə baş məşqçisi Əbülfət Qarayev və məşqçi Gündüz Mahmudovun rəhbərliyi altında mübarizə aparıb.

Beynəlxalq turnirdə 32 ölkədən 2118 idmançı iştirak edib.

Xəbər 830 dəfə oxundu.