Futbol üzrə Azərbaycan çempionatının XVII turunun oyunlarına hakim təyinatları açıqlanıb
Futbol üzrə Azərbaycan Premyer Liqasının XVII turunun oyunlarına hakim təyinatları açıqlanıb.

Azsport.az Peşəkar Futbol Federasiyasının saytına (PFL) istinadla xəbər verir ki, iki günü əhatə edəcək tura fevralın 15-də Zirə İdman Kompleksinin stadionunda keçiriləcək “Zirə” – “Qarabağ” oyunu ilə start veriləcək. Saat 15:00-da başlayacaq görüşü Rəhim Həsənov idarə edəcək.

Həmin gün baş tutacaq “Sumqayıt” – “Sabah” matçının baş hakimi İnqilab Məmmədov olacaq. Saat 17:00-da start götürəcək görüş “Kapital Bank Arena”da oynanılacaq.
ƏTRAFLI
Adsgarden.com

Fevralın 16-da “ASCO Arena”da keçiriləcək “Səbail” – “Qəbələ” oyununda baş hakim funksiyasını Kamal Umudlu yerinə yetirəcək. Matç saat 16:30-da başlayacaq.

Tura həmin gün keçiriləcək “Neftçi” - “Keşlə” oyunu ilə yekun vurulacaq. Elçin Məsiyevin idarə edəcəyi qarşılaşma saat 19:00-da start götürəcək.

XVII turun bütün görüşləri “CBC Sport” kanalı ilə birbaşa yayımlanacaq.

Qeyd edək ki, 16 turdan sonra turnir cədvəlinə 35 xalla “Qarabağ” klubu başçılıq edir. Aktivində 27 xal olan “Neftçi” ikinci, “Keşlə” isə 26 xalla üçüncü yerdə qərarlaşıb. Digər pillələrdə müvafiq olaraq, “Sumqayıt” (22), “Zirə” (20), “Sabah” (16), “Səbail” (15) və “Qəbələ” (13) komandaları yer alıblar.

Xəbər 73 dəfə oxundu.