Sovet hokkeyinin əfsanəsi, buz meydançalarını lərzəyə salan məşhur «sovet beşliyi»nin üzvü Vladimir Krutov 53 yaşında Moskvada vəfat edib. İdman.com.az Rusiya mediasına istinadən bildirir ki, o, iyunun 4-də mədə qanaxmasından xəstəxanaya yerləşdirilmişdi. 2 qat olimpiya və 5-qat dünya çempionu olan Krutov 1960-cı ildə Moskvada anadan olmuşdu. 4 yaşında hokkey oynamağa başlayıb. Məşhur SSKA klubunun üzvü idi və 1977-ci ildən onun şərəfini qorumüşdü. Onun ilk tərəf müqabilləri Sergey Makarov-Viktor Jlutkov cütlüyü olub.
19801-ci ildə SSKA-nın baş məşqçisi İqor Larionovu da əldə etdikdən sonra Vyaçeslav Fetisov və Aleksey Kasatonovu da əlavə etməklə məşhur beşliyi qurmuşdu. O, 80-ci illərdə sovet komandasının və SSKA-nın irili-xırdalı bütün zəfərlərinin və tarixi qələbələrinin iştirakçısı və baş qəhrəmanlarından olub.
Xəbər 2676 dəfə oxundu.