Formula 1 yarışları azarkeşlərin sayına görə Çempionlar Liqası və İngiltərə Premyer Liqasını qabaqlayır | |
Formula 1 şirkəti 2019-cu il mövsümündə izləyiciləri ilə bağlı araşdırmasına dair hesabat açıqlayıb. Hesabata əsasən, ötən il Formula 1-in ümumi auditoriyası 1,992 milyard nəfər təşkil edib. Bu, 2012-ci ildən bəri ən yüksək rəqəmdir. Ondan əvvəlki - 2018-ci illə müqayisədə isə 9 faiz artım olub. Hesabatda onlayn auditoriyanın artması baxımından Formula 1-in bütün böyük beynəlxalq yarışlar arasında birinci yeri tutduğu da bildirilir. 2019-cu ildə “Facebook”, “Twitter”, “İnstagram” və “Youtube”da Formula 1 abunəçilərinin sayı 2018-ci illə müqayisədə 32,9 faiz artaraq 24,9 milyon nəfər təşkil edir. Onlayn abunəçilərin artımı baxımından ikinci və üçüncü yerləri Çempionlar Liqası və İngiltərə Premyer Liqası tutur (20,1 faiz və 17,9 faiz). |
|
Xəbər 1317 dəfə oxundu. |
|
|