Yeniyetmələr arasında atletika üzrə Bakı birinciliyinə yekun vurulub

Respublika Olimpiya Mərkəzində keçirilən 2003-2004-cü il təvəllüdlü yeniyetmələr arasında atletika üzrə Bakı birinciliyinə yekun vurulub. Bakı Şəhər Gənclər və İdman Baş İdarəsinin və Azərbaycan Atletika Federasiyasının (AAF) birgə təşkilatçılığı ilə baş tutan turnirdə qızlar və oğlanlar iştirak ediblər. Yarışda 100-ə yaxın atlet birincilik uğrunda mübarizə aparıb. Yarışın ikinci günündə oğlanlar arasında uzunluğa tullanma yarışında Kəsgin Abbaszadə qalib adını qazanıb. Qızların yarışında isə uzunluğa tullanmada Aysel Mehrəliyeva birinci yerə layiq görülüb. Oğlanlar arasında qaçış yarışlarında Teymur Salahzadə (200 m) və Mahmud Mehdiyev (800 m) birinci olublar. Qızların mübarizəsində isə Tutuxanım İsrafilova (200 m) və İradə Əliyeva (800 m) fəxri kürsünün ən yüksək pilləsinə qalxıblar. Qaliblər diplom və medallarla təltif olunublar.

Xəbər 937 dəfə oxundu.