| Qadın futbolunda çalışan məşqçilərə diplom və lisenziyalar təqdim edilib | |
|
AFFA-nın təşkilatçılığı ilə qadın futbolunda çalışan məşqçilər üçün C kateqoriyalı məşqçi kursunun ikinci moduluna yekun vurulub. Azsport.az AFFA-ya istinadla xəbər verir ki, 19 və 17 yaşadək qızlardan ibarət Azərbaycan yığma komandalarının baş məşqçiləri - Vüqar Əsgərli və Zamir Həsənovun iştirakı ilə keçirilən kursda 10 məşqçi iştirak edib. Dekabrın 26-da AFFA-nın Futbol Akademiyasında kursu müvəffəqiyyətlə başa vuran məşqçilərə müvafiq diplomlar və lisenziyalar təqdim olunub. Diplom və lisenziyaları AFFA-nın baş katibinin müavini Sərxan Hacıyev, təlimatçı Aslan Kərimov, Qadın Liqaları şöbəsinin rəhbəri Emin Cəfərov və 19 yaşadək qızlardan ibarət Azərbaycan yığma komandasının baş məşqçisi Vüqar Əsgərli təqdim ediblər. |
|
|
Xəbər 774 dəfə oxundu. |
|
|
|