| Azərbaycan cüdoçusu İrina Kindzerska “Masters” turnirində gümüş medal qazanıb | |
|
Azərbaycan cüdoçusu İrina Kindzerska Çinin Cindao şəhərində keçirilən cüdo üzrə “Masters” turnirində gümüş medala sahib olub. Turnirdə 78 kiloqramdan yuxarı çəki dərəcəsində çıxış edən idmançımız Fransa, Çin və Braziliya təmsilçilərinə qalib gələrək yarımfinala yüksəlib. Yarımfinalda cənubi koreyalı Hayun Kimi məğlub edən İ.Kindzerska finala vəsiqə qazanıb. Həlledici görüşdə hollandiyalı Tessi Savelkouls ilə görüşən təmsilçimiz uduzaraq gümüş medalla kifayətlənib. Bu, millimizin Çində qazandığı ikinci medal olub. Yarışın ikinci günündə Rüstəm Orucov (73 kq) bürünc medala layiq görülüb. Mötəbər turnirdə 67 ölkədən 445 cüdoçu mübarizə aparıb. Azərbaycanı turnirdə 11 cüdoçu (8 oğlan, 3 qız) təmsil edib. |
|
|
Xəbər 843 dəfə oxundu. |
|
|
|