Beynəlxalq Olimpiya Komitəsinin prezidenti Macarıstanın Baş Naziri ilə görüşüb

Beynəlxalq Olimpiya Komitəsinin (BOK) prezidenti Tomas Bax Macarıstanın Baş Naziri Viktor Orbanla görüşüb. Beynəlxalq qurumun mənzil qərargahında keçirilən görüşdə “Tokio 2020” Yay Olimpiya Oyunlarına hazırlıq məsələləri müzakirə olunub. Macarıstanın Baş Naziri T.Baxa təşəkkür edərək onun rəhbərlik etdiyi qurumun dünyada nəcib missiya həyata keçirdiyini bildirib. Qarşıdan gələn olimpiadaya hazırlıq məsələlərinin müzakirə olunduğu görüşdə qitədə idmanın inkişafı naminə Avropa idman modelinin qorunmasının vacibliyindən də danışılıb. Onlar Macarıstanda və paytaxt Budapeştdə keçiriləcək bir sıra yüksək səviyyəli idman tədbirləri, o cümlədən qarşıdakı dünya və Avropa çempionatları ilə bağlı fikir mübadiləsi aparıblar. Görüşdə BOK-un üzvləri, Olimpiya çempionları (üzgüçülük) və Daniel Gyurta və Pal Şmit (qılıncoynatma) iştirak ediblər. Qeyd edək ki, Pal Şmit 2010-2012-ci illərdə Macarıstanın prezidenti olub. AZƏRTAC

Xəbər 685 dəfə oxundu.