Bu gün UEFA Çempionlar Liqasının qrup mərhələsi çərçivəsində daha səkkiz qarşılaşma keçiriləcək

Sentyabrın 18-də UEFA Çempionlar Liqasının 2019-2020-ci il mövsümünün qrup mərhələsinin birinci turu çərçivəsində daha səkkiz oyun keçiriləcək. Qrup mərhələsinin birinci turunun ikinci oyun günündə A, B, C və D qruplarında aşağıdakı qarşılaşmalar oynanılacaq: A qrupu: “Brügge” (Belçika) – “Qalatasaray” (Türkiyə), “Paris Sen-Jermen” (Fransa) - “Real Madrid” (İspaniya). B qrupu: “Olimpiakos” (Yunanıstan) - “Tottenhem” (İngiltərə), “Bavariya” (Almaniya) - “Srvena Zvezda” (Serbiya). C qrupu: “Dinamo Zaqreb” (Xorvatiya) - “Atalanta” (İtaliya), “Şaxtyor” (Ukrayna) – “Mançester Siti” (İngiltərə). D qrupu: “Atletiko Madrid” (İspaniya) - “Yuventus” (İtaliya), “Bayer Leverkuzen” (Almaniya) - “Lokomotiv” (Rusiya). Qeyd edək ki, UEFA Çempionlar Liqasının 2018-2019-cu il mövsümünün finalında İngiltərənin “Liverpul” və “Tottenhem” klubları qarşılaşıblar. Oyunda 2:0 hesabı ilə qalib gələn “Liverpul” UEFA Çempionlar Liqasının 2018-2019-cu il mövsümünün qalibi olub.

Xəbər 765 dəfə oxundu.