Bolqarıstanda gənc boksçular arasında Avropa çempionatı davam edir

Bolqarıstanın paytaxtı Sofiyada gənc boksçular arasında Avropa çempionatı davam edir. Üçüncü yarış günündə Azərbaycan millisinin daha 3 üzvü rinqə çıxıb. Millimizin üzvlərindən Rəşid Həsənov (64 kq) qitə birinciliyində ikinci döyüşünü keçirib. Debütdə Simon Vollmerə (Almaniya) qalib gələn boksçu bu dəfə isveçli Hampus Bromanla üz-üzə gəlib və məğlubiyyətə üzülüb. Boksçularımızdan Əzrək Bəbirov (56 kq) və Əsəd Baxşıyev (91 kq) də döyüşlərini keçiriblər. Onlar müvafiq olaraq, Selim Bouayta (Fransa) və Jumka Jaianiyə (Gürcüstan) uduzublar. Qeyd edək ki, yarışda azərbaycanlı boksçulardan Murad Allahverdiyev (91 kq) sentyabrın 8-də 1/4 final görüşünə çıxacaq. O, belaruslu Raman Kazyankovla qarşılaşacaq.

Xəbər 797 dəfə oxundu.