Silverstounda Qran-Prinin keçiriləcəyi tarix acıqlanıb | |
“Liberty Media” iyul ayında Formula 1 Böyük Britaniya Qran-Prisinin keçirildiyi Silverstoun trasının sahibləri ilə kontraktın 2024-cü ilədək uzadıldığını elan edib. Təşkilatçılar 2020-ci ildə Formula 1 Böyük Britaniya Qran-Prisinin keçiriləcəyi tarixi də açıqlayıblar. Bu mərhələ həmin il iyulun 17-dən 19-dək təşkil olunacaq. Artıq yürüşlərin biletləri satışa çıxarılıb və Silverstounda ümid edirlər ki, uik-end günlərində tribunalarda anşlaq olacaq. Silverstoun trasının idarəçi direktoru Stüart Prinql deyib: “Biz növbəti il keçiriləcək Formula 1 Böyük Britaniya Qran-Prisinə biletlərin satışının başlanmasından məmnunuq. Formula 1-in 70 illik yubileyinə həsr olunacaq bayram şənliklərimiz uik-endin daha bir parlaq hadisəsi olacaq. Böyük Britaniyanın ən əlamətdar idman tədbirlərindən birini yaxşı yerlərdən izləmək üçün azarkeşləri biletləri mümkün qədər tez əldə etməyə dəvət edirəm”. AZƏRTAC |
|
Xəbər 864 dəfə oxundu. |
|
|