| Avropa Gənclər Olimpiya Festivalına hazırlaşan velosipedçilərimiz sınaq yürüşlərini davam etdirirlər | |
|
Bakıda keçiriləcək XV Avropa Gənclər Olimpiya Festivalına hazırlaşan velosipedçilərimiz yarış marşrutunda sınaq yürüşlərini davam etdirirlər. Yolun enişli və yoxuşlu hissələrinə xüsusi diqqət ayıran məşqçilər daha çox taktiki çalışmalara üstünlük verirlər. Festivalda velosipedçilər iyulun 23-də və 25-də mübarizə aparacaqlar. İyulun 23-də fərdi, 25-də isə qrup ötüşməsi üzrə qaliblər müəyyənləşəcək. Mötəbər yarışda Azərbaycanı 3 qız və 3 oğlan velosipedçi təmsil edəcək. Qızların mübarizəsində Lalə Əbdürrəhmanova, Gülşən İsmayılova və Məleykə İsgəndərova yarışacaqlar. Oğlanların yarışında isə Nikita Sıtov, Mustafa Muxtarlı və Nofəl Nuriyev güclərini sınayacaqlar. AZƏRTAC |
|
|
Xəbər 1026 dəfə oxundu. |
|
|
|