AFFA prezidenti Rövnəq Abdullayev Azərbaycan milli komandasının baş məşqçisi Berti Foqtsun işinə qiymət verib. İdman.com.az saytının məlumatına görə, assosiasiya başçısı 66 yaşlı almaniyalı mütəxəssisin yığmamıza gətirdiyi yaxşı xüsusiyyətlərdən danışıb. FİFA-nın rəsmi saytında Azərbaycan futbolçu ilə bağlı gedən yazıdan Abdullayevin ötən ilin sonunda müqaviləsi daha 2 illiyə uzadılan Foqtsla bağlı qısa fikirləri yer alıb: «Berti Foqts Azərbaycan yığmasına nizam-intizam gətirdi. Mən fikirləşirəm ki, o, milli komandamızda tamamilə yeni atmosfer yarada bildi».
Qeyd edək ki, Abdullayev 2008-ci ilin martında AFFA prezidenti seçildikdən sonra 1 ay sonra Foqts millimizin sükanı arxasına gətirildi. Yığmamız dünya və Avropa çempionunun rəhbərliyi ilə 2 seçmə mərhələdə normal nəticə göstərdi. Birincidə 5 xal yığan «ay-ulduzlular»ımız, ardından 7 xalla yeni rekord müəyyənləşdirdi.
Xəbər 953 dəfə oxundu.