Nazim Babayev gənclər arasında Avropa çempionatında iştirak edəcək
XXX Ümumdünya Yay Universiadasının üç təkanla tullanma yarışında qızıl medal qazanan Nazim Babayev İsveçin Qalve şəhərində keçiriləcək 23 yaşadək idmançılar arasında Avropa çempionatına qatılacaq.

Yarışlar iyulun 13-14-də keçiriləcək.

Xatırladaq ki, N.Babayev iyulun 10-da İtaliyanın Neapol şəhərində keçirilən XXX Ümumdünya Yay Universiada üç təkanla tullanma yarışının finalında 16,89 metr nəticə ilə Universiadanın qalibi olub. Bununla da o, universiadalarda ikinci çempionluğunu rəsmiləşdirib. N.Babayev birinci dəfə Çinin Taypey şəhərində keçirilən XXIX Ümumdünya Yay Universiadasında qızıl medal qazanıb.

Xəbər 182 dəfə oxundu.