Camal Feyziyev Gürcüstanda beynəlxalq turnirin qalibi olub
Sumoçularımız Gürcüstanın Batumi şəhərində keçirilən “Kokkay Sumo Open 2019” beynəlxalq turnirində iştirak ediblər.

Turnirdə Azərbaycan və Gürcüstan ilə yanaşı, Rusiya, Ukrayna, Macarıstan, Polşa, İtaliya və Hindistandan 150 idmançı gücünü sınayıb.

Mütləq çəki dərəcəsində mübarizə aparan Camal Feyziyev ilk mərhələdə gürcüstanlı idmançını məğlub edib. Polşa idmançısı ilə dueldən də qalib ayrılan C.Feyziyev dörddəbir finalda rusiyalı rəqibini məğlub edək yarımfinala yüksəlib. Sumoçumuz yarımfinalda Gürcüstan təmsilçisini mübarizədən kənarlaşdırıb. Finalda rusiyalı sumoçu ilə üz-üzə gələn C.Feyziyev rəqibini məğlub edərək turnirin qalibi adını qazanıb.

Yarışda ölkəmizi Nahid Vəliyev, Məhərrəm Eyvazov (hər ikisi 70 kq), Əmrah Əhmədov, Elməddin Ramazanov (hər ikisi 85 kq), Rəsul Həsənov (92 kq) və Camal Feyziyev (115 kq yuxarı və mütləq çəki) təmsil ediblər.

AZƏRTAC

Xəbər 791 dəfə oxundu.