Rusiyalı şahmatçı Yan Nepomnyaşi “Grand Chess Tour 2019”a liderlik edir

İyunun 28-də Xorvatiyanın paytaxtı Zaqrebdə “Grand Chess Tour 2019” seriyasının üçüncü mərhələsində üçüncü turun oyunları keçiriləcək. Azərbaycanlı qrossmeyster Şəhriyar Məmmədyarov üçüncü turda rusiyalı Yan Nepomnyaşi ilə qarşılaşacaq. İki turun yekununda Ş.Məmmədyarovun aktivində bir xal var. Şahmatçımızın birinci turda rusiyalı Sergey Karyakin, ikinci turda isə amerikalı Hikaru Nakamura ilə heç-heçə edib. Sonuncu turda Yan Nepomnyaşi amerikalı Fabiano Karuananı məğlub edib. Çinli Dinq Liren rusiyalı Sergey Karyakin, norveçli Maqnus Karlsen hindistanlı keçmiş dünya çempionu Vişvanatan Anand, amerikalı Vesli So fransalı Maksim Vaşe-Laqrav, hollandiyalı Aniş Giri ermənistanlı Levon Aronyan ilə “sülh bağlayıblar”. İki turun yekununa görə Yan Nepomnyaşi 2 xalla liderdir. M.Karlsen, Vesli So 1,5, M.Vaşe-Laqrav, M.Aronyan, F.Karuana, S.Karyagin 1, V.Anand, A.Giri, D.Liren, H.Nakamura hərəyə 0,5 xal qazanıblar.

Xəbər 690 dəfə oxundu.