Mayın 10-da Şağan Olimpiya İdman Kompleksində ümummilli lider Heydər Əiyevin xatirəsinə yeniyetmə boksçular arasında ənənəvi boks turnir start götürəcək. İdman.com.az saytının məlumatına görə, bu rəqabətdə Azərbaycan komandası ilə yanaşı, Macarıstan, Bolqarıstan, Rusiya, Özbəkistan, Ukrayna, Qazaxıstan, İsrail, Gürcüstan və Hindistan boksçuları da iştirak edəcəklər. Yarışın rəsmi açılış mərasimi mayın 10-da saat 15.00-da olacaq. Final döyüşləri mayın 13-də saat 14.00-da başlayacaq. Azərbaycan milli komandası turnirdə geniş tərkibli heyətlə mübarizə aparacaq. Yarışda fərqlənən bokçularımız yığmamızın heyətinə cəlb ediləcək və onlar iyunun 23-dən iyulun 1-ə kimi Bolqarıstanın paytaxtı Sofiyada keçiriləcək yeniyetmələr arasında Avropa birinciliyində güclərini sınayacaqlar.
Xəbər 1034 dəfə oxundu.