Şəhriyar Məmmədyarov və Teymur Rəcəbov “Grand Prix 2019” turnirində mübarizə aparacaqlar
Mayın 17-də Moskvada Beynəlxalq Şahmat Federasiyasının (FIDE) və “World Chess” şirkətinin birgə təşkilatçılığı ilə “Grand Prix 2019” seriyasının birinci mərhələsi start götürəcək.

Bu ildən başlayaraq yeni formatda keçiriləcək seriya turnirində Azərbaycanı qrossmeysterlərimiz Şəhriyar Məmmədyarov və Teymur Rəcəbov təmsil edəcəklər.

Qeyd edək ki, Şəhriyar Məmmədyarov “Grand Prix 2019” seriyasının birinci mərhələsinin reytinq favoritidir. Şahmatçımız 2017-ci ildə keçirilən sonuncu “Grand Prix” seriyasının qalibi olub.

Digər təmsilçimiz Teymur Rəcəbov isə ötən seriyanı üçüncü pillədə başa vurub.

Xəbər 75 dəfə oxundu.