Bədii gimnastika üzrə Azərbaycanın gənclərdən ibarət komandası qızıl və gümüş medallar qazanıb
Azərbaycanın gənc gimnastlardan ibarət komandası aprelin 21-də Milli Gimnastika Arenasında keçirilən bədii gimnastika üzrə II "AGF Junior Trophy" beynəlxalq turnirində beş halqa və beş lentlə hərəkətlərdə fəxri kürsüdə yer alıb.

Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadədən ibarət komandamız beş halqa ilə hərəkətlərdə 21.500 xal toplayaraq turnirin baş mükafatını qazanıb.

Eyni xala malik İtaliya yığması əlavə göstəricilərə görə komandamızdan geri qalaraq ikinci olub. Belarus təmsilçiləri isə 20.100 balla ilk üçlüyü qapayıblar.

Beş lentlə yarışlarda isə gimnastlarımız ikinci yeri tutublar. Onların çıxışları münsiflər heyəti tərəfindən 18.350 xalla qiymətləndirilib. Belarus təmsilçiləri 20.450 balla birinci, İtaliya gimnastları isə 17.050 xalla üçüncü olub.

Xəbər 795 dəfə oxundu.