Şahmatçımız Gülnar Məmmədova Avropa çempionatında ilk qələbəsini qazanıb

Antalyada qadın şahmatçılar arasında Avropa çempionatının birinci turunun oyunları keçirilib. Çempionatda Azərbaycanı təmsil edən şahmatçılardan yalnız Gülnar Məmmədova birinci turda qələbə qazanıb. Günay Məmmədzadə, Gövhər Beydullayeva, Xəyalə Abdulla isə birinci turu heç-heçə başa vurublar. Digər şahmatçılarımız isə məğlubiyyətə uğrayıblar. Aprelin 12-də ikinci turun oyunları keçiriləcək. On bir turdan ibarət yarışda ümumilikdə 32 ölkədən 130-dan çox şahmatçı mübarizə aparır. Turnir cədvəlinin reytinq favoriti rusiyalı Aleksandra Qoryaçkinadır (2534). Ümumi mükafat fondu 60 min avro olan turnirə aprelin 21-də yekun vurulacaq.

Xəbər 776 dəfə oxundu.