Sərbəst güləş üzrə yığmamızın Kislovodskda təlim-məşq toplanışı başlayıb | |
Sərbəst güləş üzrə yığmamız bu gün növbəti təlim-məşq toplanışına başlayıb. Azsport.az Azərbaycan Güləş Federasiyasına (AGF) istinadla xəbər verir ki, yanvarda Mahaçqalada hazırlıq keçən millimiz bu dəfə Rusiyanın məşhur kurort şəhəri Kislovodska yollanıb. Komandamız fevralın 27-dək qonşu ölkədə təlim-məşq toplanışı keçəcək. Baş məşqçi Saypulla Absaidov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərliyi altında 16 güləşçi hazırlıq prosesində iştirak edir. Toplanışda fiziki yükləmələrlə yanaşı, taktiki-texniki hazırlığa da diqqət yetiriləcək. Nümayəndə heyətinin rəhbəri AGF-in sərbəst güləş üzrə vitse-prezidenti Firdovsi Umudovdur. Qeyd edək ki, müxtəlif səbəblərdən Mahaçqala toplanışını buraxan Georgi Edişeraşvili (57 kq), Hacı Əliyev (65 kq) və Cəmaləddin Məhəmmədov (125 kq) da Kislovodska yollanıblar. |
|
Xəbər 704 dəfə oxundu. |
|
|