“Tata Steel Masters-2019”: Onuncu turun oyunlarına start verilib

Azərbaycan şahmatçıları Şəhriyar Məmmədyarov və Teymur Rəcəbovun da iştirak etdikləri “Tata Steel Masters-2019” turnirində bu gün onuncu turun oyunları keçirilir. Şəhriyar Məmmədyarov çinli Dinq Liren, Teymur Rəcəbov is’ ABŞ təmsilçisi Samuel Sanklandla mübarizə aparır. Qeyd edək ki, növbəti tur Hollandiyanın Leyden şəhərində keçiriləcək. Xatırladaq ki, Ş.Məmmədyarovun doqquzuncu turda polşalı Yan Kşiştov Duda ilə oyunu heç-heçə başa çatıb. T.Rəcəbov isə Vladimir Fedoseev ilə qarşılaşmada məğlub olub. Doqquz turun nəticəsinə görə Teymurun 4,5, Şəhriyarın isə 3,5 xalı var.

Xəbər 741 dəfə oxundu.