| 20 Yanvar şəhidlərinin xatirəsinə həsr olunan kunq-fu üzrə açıq respublika turniri keçiriləcək | |
|
Yanvarın 18-19-da Hövsan Olimpiya İdman Kompleksində 20 Yanvar şəhidlərinin xatirəsinə həsr olunan kunq-fu üzrə açıq respublika turniri keçiriləcək. Azərbaycan Kunq-fu Federasiyasının vitse-prezidenti Tural Alışanlı bildirib ki, yarışda 300 idmançı birincilik uğrunda mübarizə aparacaq. Turnirdə, həmçinin peşəkar döyüşlər də təşkil ediləcək. T.Alışanlı vurğulayıb ki, yarışın keçirilməsində məqsəd 20 Yanvar şəhidlərinin xatirəsini yad etmək, idmançıların ustalığını artırmaq, perspektivli idmançıları aşkarlamaq və kunq-funun kütləviliyinə nail olmaqdır. Yarışın baş hakimi beynəlxalq dərəcəli hakim Babək Əliyev olacaq. AZƏRTAC |
|
|
Xəbər 825 dəfə oxundu. |
|
|
|