| Şahin Xudaverdiyev: Məqsədimiz karateçilərimizin Olimpiadaya lisenziya turnirlərində uğurlu çıxışını təmin etməkdir | |
|
Qəbələdə baş məşqçi Bahəddin Kandazın rəhbərliyi ilə karate üzrə yığma komandanın təlim-məşqi davam edir. Kumite üzrə 17 karateçi məşqlərə qatılıb. Bundan əvvəl idmançılarımız “Şəfa” stadionunda ümumi fiziki və texniki hazırlıqlarını artırıblar. Qəbələdə isə komanda texniki və taktiki hazırlıq keçəcək. Ukrayna, İngiltərə və Gürcüstan millilərindən də karateçilər təlim-məşqlərə qatılacaqlar. Bu sözləri kumite üzrə yığma komandanın böyük məşqçisi Şahin Xudaverdiyev müsahibəsində deyib. O qeyd edib ki, təlim-məşq prosesində beynəlxalq dərəcəli hakim Cahangir Babayevin iştirakı ilə yanvarın 14-dən 16-dək seminarın təşkili də nəzərdə tutulub. “Komandanın təlim-məşq toplanışı yüksək səviyyədə davam edir. Qarşıda idmançılarımızı ciddi sınaqlar gözləyir. Məqsəd karateçilərimizin “Tokio 2020”yə lisenziya turnirlərində uğurlu çıxışını təmin etməkdir”, - deyə Ş. Xudaverdiyev əlavə edib. |
|
|
Xəbər 776 dəfə oxundu. |
|
|
|