“Maklaren” 2019-cu il mövsümü üçün bolidin təqdimat tarixini elan edib | |
Formula 1 komandası 2019-cu il çempionatı üçün bolidi fevralın 14-də - Müqəddəs Valentin Günündə təqdim edəcək. “Maklaren” bu münasibətlə öz “Tvitter” səhifəsində ürək forması yaradan iki dəbilqə şəkli yerləşdirib. Şəklin altında bu sözlər yazılıb: “Maşınların bəziləri qırmızı, digərləri göy rəngdədir. Müqəddəs Valentin Günündə biz öz maşınlarımızı sizə göstərəcəyik”. Xatırladaq ki, növbəti çempionatda bu komandanın pilotları Lando Norris və Karlos Sayns olacaq. 2019-cu ildə Formula 1 yarışlarının əlamətdar tarixləri hələlik bunlardır: 12 fevral – “Reno” bolidinin təqdimatı, 13 fevral – “Fors İndia” bolidinin təqdimatı, 14 fevral – “Maklaren” bolidinin təqdimatı, 15 fevral – “Ferrari” bolidinin təqdimatı, 18-21 fevral – mövsümqabağı birinci testlər, 26 fevral – 1 mart mövsümqabağı ikinci testlər. |
|
Xəbər 750 dəfə oxundu. |
|
|