AFFA-nın İntizam Komitəsi bir sıra klubları cərimələyib

Dekabrın 12-də AFFA-nın İntizam Komitəsinin iclası keçirilib. İclasda Azərbaycan çempionatının XIV turunda baş vermiş qayda pozuntularına görə cərimələr tətbiq olunub. “Sabah” – “Keşlə” matçında meydana sahiblərinin 4, qonaqların isə 5 futbolçusu sarı vərəqə ilə cəzalandığı üçün hər iki klub 800 manat cərimələnib. “Səbail” – “Qəbələ” matçının 85-ci dəqiqəsində əyalət təmsilçisinin futbolçusu Rauf Əliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb və klub 200 manat cərimə olunub. Həmçinin həmin oyunda “Qəbələ” klubunun ehtiyat məşqçisi Miloş Yevtiç texniki zona qaydalarını pozduğuna və həmin zonadan kənarlaşdırıldığına görə 1 oyunluq cəzalanıb, klub 800 manat cərimə edilib. Qarşılaşma boyu hər iki komandanın azarkeşləri pirotexniki vasitələrdən istifadə etdiklərinə görə hər iki klub 800 manat məbləğində cərimələnib.

Xəbər 887 dəfə oxundu.