Olimpiyaçılarımızın sayı 40-a yüksəldi

London Yay Olimpiya Oyunlarına lisenziya qazanan Azərbaycan idmançılarının sayı 40-a çatıb. Bu günə kimi olimpiadaya 38 vəsiqə əldə etmiş millimizin növbəti 2 lisenziyası üzgüçülük növündədir. Həmişə olduğu kimi, yenə Beynəlxalq Su İdmanı Növü Federasiyası ölkəmizə 2 “wild-card” verib. Hələ üzgüçülərimizin adları açıqlanmasa da, bunlardan biri kişi, digəri qadın idmançı olacağı dəqiqdir. Ehtimala görə, bizi bu proqramda Oksana Hətəmxanova və Yevgeni Lazuqa təmsil edəcəklər. Qeyd edək ki, 40 lisenziya 13 idman növündədir.

Xəbər 1944 dəfə oxundu.