“Fənərbağça”nın ulduz voleybolçusu Fabiana Klaudinonun “Azərreyl”ə transferi baş tutmayıb. İdman.com.az saytının məlumatına görə, “dəmiryolçular”ın elçi düşdükləri 27 yaşlı braziliyalı artıq növbəti mövsüm üçün yekun qərarını açıqlayıb. Belə ki, Pekin-2008-in qızıl mükafatçısı, dünya qran-prisin 4-qat qalibi, dünya çempionatının və dünya kubokunun ikincisi olan Klaudino karyerasını vətənində davam etdirəcək. O, “Kampinas” 1 illik müqavilə bağlayıb. Bu komandaya indi Ze Roberto rəhbərlik edəcək. Titullu voleybolçu ötən mövsüm “Fənərbağça”da məhz onun baş məşqçiliyi ilə çıxış etmişdi.
Xəbər 1341 dəfə oxundu.