| Karateçilər üçün “İdmançıların qidalanması” mövzusunda maarifləndirici seminar keçirilib | |
|
İdman sahəsi üzrə beynəlxalq nutrisoloq və diyetoloq, həmçinin nevroloq və karate üzrə böyüklərdən ibarət milli komandamızın həkimlərindən biri Lalə İbrahimova yığmanın əsas üzvləri və məşqçilər üçün "İdmançıların qidalanması" mövzusunda maarifləndirici seminar keçib. Azərbaycan Milli Karate Federasiyasından bildiriblər ki, düzgün qidalanmanı təbliğ edən mütəxəssis, nəticəyə müsbət və mənfi təsir göstərə bilən qidalar və onları qəbul etmə qaydaları barədə idmançı və məşqçilərə ətraflı məlumat verib. O, həmçinin karateçilərə çəki salma və digər diskamfort yarada biləcək problemlərin düzgün həlli yollarını göstərib. İdmançıların gündəlik rasionunu təşkil edə biləcək qidalar və onların günün saatları üzrə bölünməsi qaydalarını izah edən Lalə İbrahimova milli komandanın hər bir üzvü üçün fərdi tərtib etdiyi qida rejimi və sutkalıq kalori sərfi, vitamin və mikro elementlər norması cədvəlini onlara təqdim edib. Seminarın sonunda Lalə İbrahimova idmançıları maraqlandıran və narahat edən sualları cavablandırıb, onlara əlavə məsləhətlər verib. |
|
|
Xəbər 994 dəfə oxundu. |
|
|
|