| Dünya çempionatının ikinci mərhələsində millimiz ilk oyunda İtaliya yığması ilə qarşılaşacaq | |
|
Yaponiyada keçirilən voleybol üzrə qadınlar arasında dünya çempionatının ikinci mərhələsində Azərbaycan millisi ilk oyunda İtaliya yığması ilə qarşılaşacaq. Oyun Bakı vaxtı ilə saat 11:10-da başlayacaq. Osaka şəhərində davam edəcək ikinci mərhələnin oyunlarında Azərbaycan komandası F qrupunda İtaliya ilə yanaşı, Çin, Rusiya, ABŞ, Tailand, Türkiyə və Bolqarıstan yığmaları ilə növbəti mərhələyə çıxmaq uğrunda mübarizə aparacaq. Cədvələ əsasən oktyabrın 7-də başlayacaq yarışın ilk günündə Türkiyə yığması Rusiya, Bolqarıstan komandası ABŞ, Çin idmançıları isə Tailand voleybolçuları ilə qarşılaşacaqlar. Azərbaycan millisi oktyabrın 8-də Çin, 10-da Türkiyə, 11-də isə Bolqarıstan idmançılarına qarşı mübarizə aparacaq. Qaydalara görə, ikinci mərhələdə qrup daxilində I-III yerləri tutan komandalar növbəti mərhələyə adlayacaq. AZƏRTAC |
|
|
Xəbər 1067 dəfə oxundu. |
|
|
|