Moldovalı cüdoçu: Bakıda dünya çempionatında iştirak etməkdən çox məmnunam

İlk dəfədir ki, Bakıdayam. Şəhəriniz çox gözəldir. Azərbaycanda cüdo üzrə dünya çempionatında iştirak etməkdən çox məmnunam. Bu çempionat məndə yaxşı təəssürat yaratdı. Çempionatın təşkilat səviyyəsi çox yüksəkdir. Bu sözləri müsahibəsində Moldovanı təmsil edən Avropa çempionu Vadim Bunesku deyib. Vadim Bunesku bildirib ki, Azərbaycan cüdoçuları güclüdürlər. Onlar dünyada ilk onluqdadırlar. Xüsusilə gənc cüdoçular daha güclüdürlər. Moldovalı cüdoçu idmanın müxtəlif xalqları, millətləri yaxınlaşdırdığını, sülhü, dostluğu təbliğ etdiyini vurğulayıb. Bu baxımdan o, Bakıda keçirilən dünya çempionatının əhəmiyyətini qeyd edib. AZƏRTAC

Xəbər 941 dəfə oxundu.