“Bakı” voleybol klubuna Azərbaycan Super Liqasının bürünc medalını qazandıran Ancelo Vercesi ölkəmizi tərk edə bilər. İdman.com.az saytının məlumatına görə, “Fənərbağça” rəhbərliyi braziliyalı baş məşqçiləri Ze Robertonun gedişindən sonra onun ölkəmizdə çalışan həmyerlisinə elçi düşüblər. Belə ki, Vercesi Çempionlar Liqasının son qalibinin sükanı arxasına keçməyə namizəd 4 mütəxəssisdən biridir. Onunla birgə bu post uğrunda Marsello Abbondanza (“Villa Kortese”, İtaliya), Ciovanni Kaprara (Novara, İtaliya) və Giuseppe Kuccarininin (“Modena”, İtaliya) adı hallanır.
Qeyd edək ki, türk həmkarlarımız da bu 4 mütəxəssisdən 1-i ilə yaxın günlərdə müqavilə imzalanacağını bildirirlər.
Xəbər 1159 dəfə oxundu.