Türkiyənin Antalya şəhərində keçirilən Avropa çempionatına yekun vurulub. İdman.com.az saytının məlumatına görə, yarışın son günündə Azərbaycan milli komandası daha 1 medal qazanıb. Milli komandamızın üzvlərindən son olaraq körpücük üzərinə Yuliya Dovqal çıxıb. O, çəkisi 75 kq-dan çox olan qadın idmançılarla mübarizə aparıb.
Birdən qaldırmada 123 kq çəkini ram edən atletimiz “kiçik gümüş” medal qazanıb. Milliləşdirilmiş legionerimiz təkanla qaldırmada isə 150 kq çəkini baş üzərinə qaldırmaqla, bu hərəkətdə 3-cü olub. O, yekun nəticədə də 273 kq çəki ilə bürüncə yiyələnib.
Qeyd edək ki, Dovqaldan öncə Valentin Xristov (56 kq), Əfqan Bayramov (69 kq) və Boyanka Kostova (56 kq) Avropa çempionu adını qazanmışdılar. Silviya Angelova (48 kq) bürünc mükafata sahib çıxmışdı.
Xəbər 1124 dəfə oxundu.